«Қазақстандық мұнайгаз салалық кәсіптік одағы» қоғамдық бірлесігі атынан сенімді өкіл Президенттікке кандидат Таспихов Амангелді Сатыбалдыұлының облыстық штабының сайлауалды үгіт-насихат жұмыстары аясында «ҚазМұнайГаз-Бұрғылау» сервистік бұрғылау кәсіпорны» ЖШС кәсіподақ комитеті аппаратының және кәсіпорын қызметкерлерімен кездесу өткізді. Кездесу барысында кандидаттың сайлауалды тұғырнамасымен кәсіподақ мүшелерін таныстыра отырып, ондағы кандидаттың еңбекшілердің құқықтары мен мүдделдері, қауіпсіз еңбек жағдайларын қамтамасыз ету, өндірістегі жарақат алуға жол бермеу, лайықты жалақыға қол жеткізу туралы келелі ұсыныстары ортаға салынды. Қатысушыларға толық ақпарат беріліп, сайлауға арналған жадынамалар таратылды. Кездесу қатысушыларын толғандыратын сұрақтарғаа жауап берілді. Кездесу соңында сенімді өкіл барлық қызметкерлерді 9 маусымда өтетін Қазақстан Республикасы Президентінің сайлауына белсенділікпен қатысуға шақырды.
